ЭХ СУРВАЛЖИЙН МЭДЭЭЛЭЛ

БАЙГУУЛЛАГЫН НЭР: САНХҮҮГИЙН ХЯНАЛТ,ДОТООД АУДИТЫН АЛБА

АЛТАН ТУШААЛТНЫ НЭР: ХЯНАЛТ-ШИНЖИЛГЭЭ, ҮНЭЛГЭЭ ХАРИУЦСАН МЭРГЭЖИЛТЭН

ХОЛБОО БАРИХ УТАС: 70359855

   Санхүүгийн хяналт, дотоод аудитын газрын 2025 оны сургалтын төлөвлөгөөний дагуу Улаанбаатар хотод 2025.03.20-2025.03.21-ны өдрүүдэд "Олон улсын Стандартын академи"-тай хамтран зохион байгуулсан ISO 9001:2015 Чанарын менежментийн тогтолцооны Олон улсын стандарт, ISO 37001:2024 Авлигын эсрэг менежментийн тогтолцооны Олон улсын стандарт, ISO 31000:2020 Эрсдэлийн менежментийн тогтолцооны Олон улсын стандарт-уудын сургалтад газрын дарга, нийт албан хаагчид хамрагдлаа.

     Тус сургалтаар “Олон Улсын Мэргэжлийн Практикийн Хүрээ”-д бүрэн хэмжээний өөрчлөлт орсонтой холбогдуулан дотоод аудитор-санхүүгийн хяналт шалгалтын (ахлах) Улсын байцаагчдыг чадавхжуулах. Мөн MNS ISO 9001:2016 Чанарын менежментийн тогтолцоо (ЧМТ), MNS ISO 37001:2024 Авилгын эсрэг менежментийн тогтолцоо (АЭМТ), ISO 31000 эрсдэлийн менежментийн тогтолцооны стандартын шаардлагууд, байгууллагад нэвтрүүлэх ач холбогдол болон үр дүнтэйгээр хэрхэн хэрэгжүүлж, байнга сайжруулах талаар нэгдсэн ойлголт өгсөн цаг үеэ олсон үр дүнтэй сургалт боллоо.

     Сургалтыг Олон улсын Стандартын академийн захирал Н.Уранчимэг, тус академийн сургагч багш Ц.Эрдэнэбаяр, Олон улсын стандартын баталгаажуулалтын Монсертф ХХК-ын захирал Г.Билгүүн, Сургагч багш АССА, Олон Улсын дотоод аудиторын зөвлөх, Дэлхийн банкны зөвлөх, сургагч багш Ж.Жаргалсүрэн нар зохион байгуулж, албан хаагч бүрт  сертификат гардууллаа.  

     Мөн сургалтын 1 өдөрт улсын салбарын дотоод аудит /public sector/ аргачлал номыг бэлтгэсэн Ж.Жаргалсүрэн багшийн сургалтаар Засаглах удирдлага, гүйцэтгэх удирдлага, хараат бус дотоод аудитын талаар дэлгэрэнгүй ойлголт авч, “Жаргалант ус, дулаан түгээх станц” ОНӨХК-нд хийсэн дотоод аудитын тайланд үндэслэн дадлага ажил хийж, бодит кейс дээр ажиллан харилцан мэдээлэл солилцож, зөвлөгөө зөвлөмж авч, суралцлаа.